Drive-in-gudstenester ved Ådland kyrkje

Samnanger og Fusa samarbeidar om "gudsteneste i bilen".
Her finn du info og program for drive-in-gudstenesta skirtorsdag og påskedag.

Sokneprestane i Fusa og Samnanger inviterer til drive-in-gudsteneste i påska, på skjærtorsdag og 1. påskedag. Ei drive-in-gudsteneste skjer ved at ein køyrer til parkeringsplassen i bil, og stiller radioen inn på ein FM-frekvens som gjer at dei kan motta radiosignalet som gudstenesta vert send på. Dette vert ei enkel gudsteneste - men me meiner det er viktig å gjera noko felles i desse tider, der ein elles skal vera på avstand. Her kan ein møtast utan å møtast.

Nokre viktige reglar gjeld for arrangementet - kommuneoverlegen i Samnanger har sett desse krava:

• Ikkje kom gåande - berre i bil.
• Ta berre med personar frå eigen husstand. Det er ikkje lov til å ta med seg, eller sitja på med, nokon ein ikkje bur saman med.
• Du kan ikkje vera med om du er i karantene eller isolasjon, eller om du har symptom på luftveisinfeksjon.
• Alle blir verande i bilane under heile gudstenesta. Om noko oppstår, eller ein ikkje ynskjer å sitja i bilen lenger, må ein køyra ut frå området.
• Det er ikkje lov til å opna vindaugo eller dører for å prata med kvarandre.
• Når gudstenesta er ferdig, reiser ein rett heimatt.
• Det vil vera parkeringsvaktar til stades for å passa på at reglane vert følgde.

Me vonar at folk vil koma og vera med på gudsteneste, sjølv om desse vert litt særeigne! Kom til kyrkja på Ådland i Samnanger - Prestavegen 2, 5652 Årland - på skjærtorsdag og 1. påskedag, 17:00 begge dagar.
(Tekst: Fusa sokn)

- Her kan du laste ned programmet for drive-in-gudstenesta skirtorsdag i pdf: Program

- Her kan du lese andakten som vart halden på skirtorsdag: Andakt skirtorsdag

- Her kan du laste ned programmet for drive-in-gudstenesta 1.påskedag i pdf: Program

Du kan også sjå heile programmet på kyrkja si Facebookside.

Vi er takknemleg for eit takkoffer.
Dagens kollekt går til skuleprosjektet som Samnanger sokn støtter i Lusaka i Zambia. 

Du kan gje eit takkoffer på Vipps til:
Samnanger sokn
Vipps-nr.: 11 21 48