Gudsteneste og jubileumsmarkering på søndag er avlyst

For 2. gong har me måtta avlysa feiringa av Haga kyrkje sitt 25-årsjubileum grunna koronatiltak. 

Nye smitteverntiltak for Bergen og nabokommunane gjer at me må avlysa både gudstenesta 8. nov. og jubileumsmarkeringa etterpå. Me har no berre lov til å vera 20 stk. på offentlege arrangement. (Det einaste unntaket er for gravferder, der kan me vera 50.)
Me tenkjer at nokre av innslaga som skulle vore på jubileumsmarkeringa, skal me få sett og høyrt seinare. Men det får me koma attende til. Og me er glade for at borna fekk ha sin jubileumsfest, sjølv om det vart ein "koronafest" med mange strenge tiltak. Men no får me prøva å slå smitten attende, slik at me kanskje kan få koma i kyrkja att fram mot jul.

Me håpar på det beste og kjøper inn digitalt utstyr for streaming om det skulle verta langvarig denne gongen også.