Salmekveld med Eyvind Skeie torsdag 21.okt. kl.19.00 i Haga kyrkje

Som salmediktar har Skeie skrive over 600 salmar. 55 av desse, inkludert oversetjingar, er med i Norsk Salmebok. Han vil presentera nokre av desse salmane for oss. Det vert både solosong og allsong.

Eyvind Skeie er prest, forfattar, salmediktar og kulturarbeidar.
Han er vakse opp på Askøy der far hans var prest, og seinare i Bergen Sentrum, då far hans var prest i Domkyrkja i Bergen.

For dei fleste er Eyvind Skeie kanskje mest kjent som manusforfattar til Portveien 2 og Sesam Stasjon. Nokre av songane derfrå har nærast vort folkeige, for eksempel «Tenn lys». Dei fleste kjenner også «Nå er den hellige time», som han har skrive teksten til.
Som salmediktar har Skeie skrive over 600 salmar. 55 av desse, inkludert oversetjingar, er med i Norsk Salmebok.
Skeie har også skrive biografiar, blant anna over politikar Jon Lilletun og salmedikter Svein Ellingsen. Han har arbeida med kulturprosjekt i land som Aserbajdsjan og Egypt, og har skrive biografien over «Mama Maggie» i Egypt, og ei bok i samarbeid med biskop Thomas, «I kjærlighetens sirkel». Han har også arbeidd mykje med pedagogikk og formidling. 

Eyvind Skeie bur på Kolbotn utanfor Oslo med kona si Gerd, dei har fem born og seksten barneborn.

«Det gir meg stor glede å komme rundt i norske menigheter,» seier Eyvind Skeie. «Det er fint å kunne presentere sine salmer og tanker, men alle best er det å kunne dele inspirasjon og glede. Jeg vil gjerne at folk skal oppleve et rikt spenn av følelser på mine salmekvelder. Salmen er først og fremst menneskets stemme, i tekst og musikk. Den er gudshenvendelse, i slekt med bønnen, både i glede og sorg, tro og tvil».

Kollekt.