Største delen av det kyrkjemusikalske arbeidet skjer i samband med gudstenester, bryllaup og gravferder. Det meste står kyrkjemusikaren vår for. I tillegg har me på Haga lovsongsteam med orkester og føresongarar som er med og spelar til gudstenestene og eige «ungdomsband» til kroer og andre arrangement for ungdomane. Barnekoret har teke del på nokre arrangement. I høgtidene har me ofte med solistar eller blåsargrupper på gudstenestene.