Barnekoret er over 30 år gamalt, men ungt og sprekt framleis. Det fornyar seg stadig, etter kvart som nokon vert for store til å vera med, kjem nye til!  

Barnekoret vert drive av Samnanger Misjonsforsamling, og held til i bedehuset på Tysse. For å vera med der, må du ha fylt 4 år. Dei minste har gjerne foreldra eller andre vaksne med seg på øving. Koret markedsfører seg med: "Glad song for borna!" og gledesspreiarar er dei verkeleg.

Koret er delt i to grupper, frå 4 år tom. 1. klasse og "King Sing" frå 2–7 klasse. Dei øver litt kvar for seg, men syng gjerne saman! Td. med King Sing på versa og heile koret på refrenga. På øvingane har dei alltid andakt. Stundom har dei kosekveldar med song, mat og leikar.
Dei opptrer i både bedehus og kyrkje.

Øvingar tysdagskveldane kl. 17.30–18.30 i Tysse bedehus.
For meir info, sjå Samnanger barnekor og King Sing si Facebookside.